TTN Teaser 36

1
1032

யாருக்குமே சொல்லாம அவசரகதியில் நம்ம கல்யாணம் நடந்துடுச்சு… ஊரில் பெரிய குடும்பம். என்னோட கல்யாணத்தை எப்படி எல்லாமோ நடத்தி கண் குளிர பார்க்க முடியலைன்னு அவங்களுக்கு வருத்தம். அது தப்பு இல்லையே?”

“தப்பு இல்லை தான். ஆனா அவரோட வருத்தம் உங்க கல்யாணத்தை பார்க்க முடியலை அப்படிங்கிறது மட்டும் இல்லை…மருமகளாக ஒரு அனாதை வந்ததும் கூடத் தான்” என்று அவள் பார்வையை எங்கோ பதித்து சொல்ல… வேகமாக பாய்ந்து வந்து அவள் வாய் பொத்தினான்.

“இப்படி எல்லாம் பேசக் கூடாது சில்லக்கா… ஆமா.. முன்னாடி எல்லாம் பேசவே மாட்ட.. இப்போ இந்த பேச்சு பேசுற… உன்னோட வாய்க்கு பயந்து நான் தான் யூ டர்ன் (U Turn) போட்டு ஓட வேண்டி இருக்கு”

“என்ன செய்றது… சேர்க்கை சரி இல்லை” என்று ஓரக்கண்ணால் அவனைப் பார்த்தபடியே கூறிவிட்டு அவள் நமுட்டு சிரிப்பு சிரிக்க… வலிக்காமல் அவளது காதை பிடித்து திருகினான் ஈஸ்வர்.

“என்னால தான் உனக்கு வாய் ஜாஸ்தி ஆச்சா?”

“தைரியமும் உங்களால தான் ஜாஸ்தி ஆச்சு”

“யாருக்கு உனக்கா? தைரியமா? கொஞ்சம் கூட நம்புற மாதிரி இல்லையே?… சின்னதா ஒரு டெஸ்ட் செஞ்சு பார்த்துடுவோமா?” என்றான் கண்களில் விஷமச் சிரிப்புடன்.

அவனது கள்ளத்தனம் புரியாமல் வானதியும் வேகமாக தலையை ஆட்டிய பிறகே யோசித்தாள்.

‘அய்யயோ… இவரைப் பத்தி தெரிஞ்சும் அவசரப்பட்டியேடி… என்ன செய்யப் போறாரோ தெரியலையே?’என்று பக்பக் என்று துடிக்கும் மனதோடு அவள் காத்திருக்க தங்கள் இருவருக்குள் இருந்த இடைவெளியை கண் இமைக்கும் நேரத்திற்குள்ளாக குறைத்து அவளின் அருகில் நெருங்கி இருந்தான் ஈஸ்வர்.

“இப்போ உனக்கு பயமா இருக்கா?”

“இல்லையே”

அவளிடம் இருந்து அந்த பதிலைத் தான் அவனும் எதிர்பார்த்தான் போலும். கொஞ்சமும் சிரிப்பு மாறாமல் இன்னும் கொஞ்சம் நெருங்கி மீண்டும் அதே கேள்வியைக் கேட்டான்.

“இப்போ உனக்கு பயமா இருக்கா?”

“இ..இல்லையே” லேசாக தடுமாறத் தொடங்கினாள் வானதி.

ஈஸ்வரின் புன்னகை மேலும் அதிகரித்தது. வசீகரிக்கும் புன்னகையுடனும், சுண்டி இழுக்கும் பார்வையுடனும் அவன் பார்வை அவள் மேனியில் அலை பாயத் தொடங்க…வானதியின் உடலில் மெல்லியதோர் நடுக்கம் தோன்றியது.

Facebook Comments
Previous PostMEV Final
Next PostTTN Tamil Novels 36
Hi Readers, This is Madhumathi Bharath. I am one of the Tamil romance novel writers.This page created for my novel readers.In this blog i am going to provide you link for my tamil new novels updates.This is not a writer's website,This is for you people who would like to read Tamil new novels.keep following this page for further updates.

1 COMMENT

Leave a Reply to kavi mani Cancel reply

Please enter your comment!
Please enter your name here